ട്വിറ്ററിന് പകരമായി വന്ന കൂ ആപ്പ് അടച്ചുപൂട്ടുന്നു | Koo App Shuts Down
(Twitter) ട്വിറ്ററിന് അഥവാ എക്സിന് പകരമായി അവതരിപ്പിച്ച ഇന്ത്യൻ ആപ്പായ (Koo App) ‘കൂ’ അടച്ചുപൂട്ടുന്നു എന്ന വാർത്തകൾ വരുന്നു.
ട്വിറ്ററിന്റെ സാമ്യമുള്ള പോലെ ലോഗോയുമായി അവതരിപ്പിച്ച കൂ ആപ്പിൽ പല പ്രമുഖർക്കും വെരിഫൈഡ് അക്കൗണ്ട് ഉൾപ്പെടെ നൽകിയായിരുന്നു വരവ്. കേന്ദ്രമന്ത്രിമാരടക്കം നിരവധിപേർ ട്വിറ്റർ വിട്ട് കൂ വിൽ ചേക്കേറിയിരുന്നു. കമ്പനി സാമ്പത്തികമായി താഴേക്ക് പോകുന്ന അവസ്ഥ ആയപ്പോളാണ് സ്ഥാപകൻ അടച്ചുപൂട്ടല് നടപടിയിലേക്ക് പോകുന്നത്. കൂ ആപ്പിന്റെ സ്ഥാപകൻ അപ്രമേയ രാധാകൃഷ്ണ തന്നെയാണ് അടച്ചുപൂട്ടലിന്റെ കാര്യം പുറത്തുവിട്ടത്. വിവിധ കമ്പനികളുമായി കൂ ആപ്പിനെ ലയിപ്പിക്കാൻ ചര്ച്ചകള് നടന്നിരുന്നുവെങ്കിലും ഇവയെല്ലാം പരാജയപ്പെട്ടതോടെയാണ് അടച്ചുപൂട്ടാൻ തീരുമാനിച്ചതെന്നാണ് വിവരം.
2021ൽ ചില കണ്ടന്റുകള് ഒഴിവാക്കുന്നതുമായി ബന്ധപ്പെട്ട് ട്വിറ്ററുമായി ഇന്ത്യൻ ഗവണ്മെന്റുമായി അഭിപ്രായ ഭിന്നതയിലായിരുന്നു. ഇതോടെ ആയിരുന്നു കൂ ആപ്പിന്റെ വരവും സജീവമായതും. പക്ഷെ പിന്നീട് 2023 ഏപ്രിലിൽ ഏകദേശം 300ഓളം ജീവനക്കാരെ കമ്പനി പിരിച്ചുവിട്ടിരുന്നു.
